Ish-i dashuri i Hayden Panettiere, Brian Hickerson, u përball me akuza për përdorim të dyshuar të drogës në një seancë gjyqësore më 13 gusht, vetëm tre ditë para vdekjes së aktores në moshën 36-vjeçare.
Sipas raportimeve të mediave amerikane, Hickerson kishte kërkuar që dënimet e mëparshme për dhunë në familje të hiqeshin nga dosja e tij, duke pretenduar se kishte përmbushur kushtet e lirimit me kusht.
Prokurorët e kundërshtuan kërkesën, duke iu referuar përdorimit të dyshuar të drogës dhe dy arrestimeve të tij në Los Angeles gjatë vitit 2025, shkruan DailyMail.
Hickerson, i cili në vitin 2021 pranoi fajësinë për dy akuza të rënda lidhur me plagosjen e Panettiere, ishte dënuar me 45 ditë burg, katër vite lirim me kusht, gjobë dhe programe të detyrueshme për dhunën në familje.
Prokurorët sollën si provë edhe një intervistë të tij për TMZ në maj, gjatë së cilës pretenduan se Hickerson dukej “qartësisht jo i kthjellët” dhe nën ndikimin e një substance stimuluese.
Më herët, ai kishte deklaruar se kishte përfunduar 10 seanca të “Narcotics Anonymous”, ndërsa një akuzë për të qenit nën ndikimin e një substance të kontrolluar ishte rrëzuar.
Ndërkohë, pas vdekjes së Panettiere, vëllai i Hickerson, Zach, ka treguar për momentet e fundit të aktores, duke thënë se Brian i dha asaj nalokson pasi e gjetën pa ndjenja. Shkaku zyrtar i vdekjes së aktores ende nuk është bërë i ditur. /Telegrafi/
