Vatra të mëdha zjarri kanë përfshirë pyjet pranë fshatrave Madhesh dhe Lundre, në Njësinë Administrative Ulëz, në Bashkinë Mat.
Siç raporton Top Channel, flakët po përhapen me shpejtësi dhe janë afruar pranë banesave, duke rritur rrezikun për disa familje që jetojnë në zonë. Për shkak të situatës së krijuar, pritet edhe evakuimi i disa familjeve nga zonat e rrezikuara.
Lexo edhe nga Nacionale
Kelmendi: Natën para vrasjes, Jusuf Gërvalla, Kadri Zeka dhe unë u dakorduam për bashkim
Veprimtari Ibrahim Kelmendi ka rrëfyer detaje nga njohja dhe bashkëpunimi i tij me Jusuf Gërvallën, raportet mes Gërvallës...
Forcat në terren po punojnë për izolimin dhe shuarjen e flakëve, ndërsa ndërhyrja po koordinohet si nga toka, ashtu edhe nga ajri.
Situata mbetet problematike, ndërsa përparimi i zjarrit dhe afërsia me banesat kanë shtuar shqetësimin për banorët e zonës.
Autoritetet vijojnë përpjekjet për të vënë nën kontroll flakët dhe për të shmangur përhapjen e zjarrit drejt banesave. /Tch/
