Kompania amerikane NABEP do të marrë kontrollin e 17 fushave të naftës në Venezuelë. Pesë prej tyre më parë ishin zhvilluar nga Kina, ndërsa një nga Rusia.
Kushtet e marrëveshjes janë veçanërisht interesante: qeveria amerikane do të marrë një 35 për qind të aksioneve në NABEP, si dhe të drejtën prioritare për të blerë naftën e prodhuar.
Më parë, aktori kryesor rus në Venezuelë ishte Rosneft. Në vitin 2020, ajo i transferoi asetet e saj te kompania shtetërore ruse Roszarubezhneft.
The Wall Street Journal e cilëson marrëveshjen si të pazakontë dhe juridikisht të debatueshme, shkruan reuters.
Në anën amerikane, si investitor do të përfshihet edhe Pentagoni, ndonëse mbeten pikëpyetje nëse ligji i lejon atij të zotërojë aksione në një kompani të huaj.
As rritja e prodhimit nuk mund të bëhet shpejt. Infrastruktura e naftës në Venezuelë është në gjendje shumë të amortizuar dhe rikthimi i saj në funksion do të kërkojë vite, si dhe investime të mëdha.
Për më tepër, marrëveshja është nënshkruar me autoritetet venezuelase, legjitimiteti i të cilave është i kontestuar. Nëse qeveria ndryshon, presidenti i ri mund të përpiqet t’i rishikojë marrëveshjet. /Telegrafi/
