KQZ shpalli rezultatet përfundimtare të zgjedhjeve të 7 qershorit

Komisioni Qendror i Zgjedhjeve sot mori vendim për shpalljen e rezultateve përfundimtare të zgjedhjeve të parakohshme për Kuvendin e Republikës së Kosovës, të cilat janë mbajtur më 7 qershor 2026.

KQZ njofton subjektet politike dhe kandidatët se mund të paraqesin ankesat ndaj vendimit për shpalljen e rezultateve përfundimtare brenda 48 orëve në Panelin Zgjedhor për Ankesa dhe Parashtresa.

Lexo edhe nga Nacionale

Pacolli kërkon reagimin e ndërkombëtarëve pas deklaratave të Vuçiqit për ndryshimin e rrjedhës së Ibrit Ministrja në detyrë e Mjedisit dhe Planifikimit Hapësinor, Fitore Pacolli, ka reaguar ndaj deklaratave të presidentit të Serbisë,...

Sipas rezultateve, Lëvizja VETËVENDOSJE! ka dalë subjekti më i votuar me 382,869 vota, ose 47.13 për qind.

Partia Demokratike e Kosovës (PDK) renditet e dyta me 157,892 vota apo 19.44 për qind, ndërsa Lidhja Demokratike e Kosovës (LDK) e treta me 135,567 vota ose 16.69 për qind.

Aleanca për Ardhmërinë e Kosovës (AAK) ka siguruar 54,729 vota (6.74%), ndërsa Lista Serbe ka marrë 43,843 vota (5.40%). /Telegrafi/