Konfiskimi i flamurit dhe arrestimi i të riut nga policia serbe ndezin debat për të drejtat e shqiptarëve në Kumanovë

Mbrëmë, rreth orës 21:45, gjatë festimeve të Ditës së Flamurit, 18-vjeçari Ardi Saiti u arrestua nga policia pasi u pa duke mbajtur flamurin “AUTOCHTHONOUS”.
Sipas dëshmitarëve, intervenimi u bë nga një polic me origjinë serbe, në Kumanovë i cili edhe një vit më parë ishte vënë në qendër të kritikave për heqjen e flamurit kombëtar në një ngjarje publike.
Ardi u ndalua menjëherë dhe u fut në automjetin e policisë, ndërsa flamuri i UÇK-së dhe ai “AUTOCHTHONOUS” iu konfiskuan si “material i dyshuar”. Në stacion policor, inspektorët thuhet se i kanë deklaruar të riut se mbajtja e këtyre flamujve përbën “nxitje të urrejtjes ndëretnike” dhe “vepër penale”, pavarësisht faktit që Ushtria Çlirimtare e Kosovës nuk është shpallur kurrë organizatë terroriste nga ndonjë institucion ndërkombëtar.
Pas gati 15 orësh mbajtje, Ardi Saiti u lirua sot në orën 12:45.
Rasti ka shkaktuar indinjatë në opinion, duke ngritur pyetje serioze se si në vitin 2025, në një vend ku mbi 30% e popullsisë është shqiptare, të rinjtë ende mund të privohet nga liria vetëm për mbajtjen e flamurit kombëtar apo atij historik.
Pritet që institucionet të japin sqarime të mëtejshme mbi bazën ligjore të këtij veprimi dhe përse flamujt u trajtuan si elemente “të rrezikshme”.
Rasti po komentohet gjerësisht dhe shihet si një precedent shqetësues për liritë dhe simbolet kombëtare në rajon.

Lexo edhe nga Nacionale

Katër ministri të reja pa buxhet, rrezikojnë të mbyllin mandatin pa bërë ndonjë punë Zgjerimi i kabinetit qeveritar me katër ministri të reja po shihet më shumë si barrë administrative sesa si...