atër shtetas të Republikës së Shqipërisë janë arrestuar në Serbi, të dyshuar për veprën penale të nxitjes së urrejtjes dhe intolerancës kombëtare, racore dhe fetare, njofton Ministria e Punëve të Brendshme e Serbisë (MUP).
Të arrestuarit janë identifikuar si: A. S. (1989), E. V. (1984), E. G. (1978), A. C. (2005)
Sipas MUP-it, arsyeja e arrestimit është publikimi i një videoje në rrjetin social Facebook, në të cilën të dyshuarit shfaqen në një automjet duke udhëtuar në autostradë nëpër Serbi. Në video shfaqeshin simbole që autoritetet e Serbisë i lidhin me “Shqipërinë e Madhe” dhe përdoren fjalë të papërshtatshme ndaj Republikës së Serbisë.
Videoja e publikuar është përdorur si provë e drejtpërdrejtë nga autoritetet për të hetuar veprën penale. Për shkak të kësaj, të dyshuarve u është caktuar masa e ndalimit deri në 48 orë, pas së cilës ata do të dërgohen në Prokurorinë e Lartë Publike në Beograd, në Departamentin Special për Luftimin e Krimit të Teknologjisë së Lartë.
