Haradinaj: Nëse Kurti nuk e demanton deklaratën e Rashiqit për tokën e Manastirit të Deçanit, është më shumë se tradhti kombëtare

Deputeti i Aleanca për Ardhmërinë e Kosovës, Daut Haradinaj, ka reaguar ndaj deklaratës së ministrit për Komunitete dhe Kthim, Nenad Rašić, lidhur me transferimin e 24 hektarëve tokë në emër të Manastiri i Deçanit.

Haradinaj tha se nëse deklarata e Rashiqit rezulton e vërtetë dhe nuk demantohet nga kryeministri i Kosovës, Albin Kurti, atëherë kjo përbën një veprim shumë të rëndë.

Lexo edhe nga Nacionale

Vrasja e trefishtë në Gjilan, të dyshuarit ende në arrati, IPK-ja duke hetuar zyrtarët policor Anëtarët e familjes Shkodra, të kërkuar për vrasje të rëndë, janë ende të pakapshëm për institucionet e drejtësisë....

Në një reagim të publikuar në Facebook, ai e cilësoi këtë çështje si tepër serioze dhe tha se përgjegjësia për sqarim bie mbi kryeministrin.

“Deklarata e Rashiqit për tokën që iu transferua Manastirit të Deçanit. Nëse Kurti nuk e demanton, kjo përbën më shumë se tradhti kombëtare”, shkroi Haradinaj në postimin e tij.

Lidhur me këtë çështje më herët kanë reaguar edhe figura të tjera opozitare. Ish-kryeministri dhe deputeti i Lidhja Demokratike e Kosovës, Avdullah Hoti, tha se deklarata e Rashiqit e “zhvesh plotësisht” Kurtin nga retorika që ai e ka përdorur për këtë temë ndër vite.

“Do ta bëj për ty”, Hoti: Për vite u fol për “tradhti”, Kurti ia paska transferuar tokën Manastirit të Deçanit për hatër të Rashiqit