Dronët iranianë godasin bazën detare në Abu Dabi

Një sulm me dronë nga Irani ndaj bazës detare Al Salam në Abu Dabi shkaktoi zjarr, por pa viktima, ka njoftuar Ministria e Mbrojtjes e Emirateve të Bashkuara Arabe.

Në një deklaratë të publikuar në platformën sociale X, në pronësi të një kompanie amerikane, ministria bëri të ditur se ekipet e specializuara kanë reaguar menjëherë në vendin e ngjarjes.

Sipas njoftimit, sulmi ka shkaktuar zjarr në dy kontejnerë ku ruheshin materiale të përgjithshme.

▶ Lexo edhe këtë

Qeveria britanike do të publikojë dokumentet ish-princit Andrew për rolin e tij në tregti

Shtetet e Bashkuara dhe Izraeli ndërmorën një sulm ndaj Iranit të shtunën, ku u vranë disa liderë të lartë iranianë, përfshirë udhëheqësin suprem Ali Khamenei.

Teherani u kundërpërgjigj me një seri sulmesh me dronë dhe raketa, duke shënjestruar Izraelin, asetet amerikane dhe disa shtete të Gjirit.

Irani vazhdon të sulmojë rajonin në ditën e dytë me radhë, pas një vale fillestare sulmesh nga SHBA-ja dhe Izraeli.