Deliu: Nuk do të rrimë duarkryq, do ta përdorim çdo mjet institucional e juridik për ta rikthyer rendin kushtetues

Deputetja e Kuvendit të Kosovës nga radhët e PDK-së, Blerta Deliu ka thënë se do të përdorin çdo mjet institucional e juridik për ta rikthyer rendin kushtetues.

Deliu përmes një postimi në rrjetin social në Facebook ka shkruar se sot në seancën e orës 11:00 nuk do të rrinë duarkryq.

Lexo edhe nga Nacionale

“Deklarata juaj anti-Kosovë në Beograd, shpërfaq profesionin tënd para se të bëheshe president”, OVL e UÇK-së i reagon Zelenskyt Organizata e Veteranëve të Luftës së Ushtrisë Çlirimtare të Kosovës (OVL-UÇK) ka reaguar ndaj deklaratës së presidentit ukrainas,...

Ajo tha se as Albin Kurti, as LVV-ja nuk mund ta marrin peng Republikën dhe ta ndryshojnë Kushtetutën sipas skenarit të tyre.

“Nuk do të rrimë duarkryq. Në ora 11:00 do të jemi në Kuvend dhe do ta përdorim çdo mjet institucional e juridik për ta rikthyer rendin kushtetues. As Albin Kurti, as LVV-ja nuk mund ta marrin peng Republikën dhe ta ndryshojnë Kushtetutën sipas skenarit të tyre. Qëllimi i tyre është i qartë: ose ta çojnë vendin në zgjedhje të jashtëzakonshme në një datë që u konvenon, ose ta kapin edhe institucionin e Presidentit”, ka shkruar Deliu.

Tutja ajo tha se: “Por Kosova nuk është pronë e askujt. Kushtetuta nuk interpretohet sipas interesit politik dhe nuk guxon të merret peng”.