Kris Jenner dukej më e re se kurrë pas ndërhyrjes së saj për lifting të fytyrës, që thuhet se kushtoi 100,000 dollarë, teksa mori pjesë të shtunën në mbrëmje në ceremoninë madhështore të hapjes së Muzeut Lucas të Artit Narrativ në Los Angeles.
Personaliteti televiziv 70-vjeçar, i cili së fundmi zbuloi edhe një tjetër sekret pas pamjes së saj rinore, iu bashkua yjeve të tjerë në tapetin e kuq, mes tyre vajza e saj, Kim Kardashian, dhe këngëtarja Katy Perry.
Menaxherja më e famshme e showbizit, tërhoqi vëmendjen me një fustan elegant prej sateni në ngjyrë blu të errët, të cilin e kishte kombinuar me një pallto blu me temina.
Jenner kishte veshur një palë këpucë me taka, me majë të mbyllur, në ngjyrë blu të errët, të zbukuruara me një fjongo të madhe në pjesën e pasme.
Ajo zgjodhi të mbante aksesorët në minimum, duke lejuar që veshja të ishte në qendër të vëmendjes, dhe e kompletoi pamjen me një palë vathë argjendi.
Grimi i yllit të reality show-t ishte i kuruar për mbrëmjen dhe përfshinte maskarë në qerpikë, si dhe hije të errëta me efekt “smoky” rreth syve.
Një nuancë e ngrohtë blush-i i theksonte mollëzat, duke i dhënë fytyrës një shkëlqim të freskët, ndërsa në buzë kishte vendosur një nuancë sateni në ngjyrë nude.
Jenner buzëqeshi me gëzim teksa pozoi për fotografët, menjëherë pasi mbërriti në ambientet e eventit.
Ajo shoqërohej nga partneri i saj prej shumë vitesh, Corey Gamble, i cili kishte veshur një kostum blu të errët, të kombinuar me një këmishë blu të çelët me vija.
Çifti u fotografua duke qëndruar pranë njëri-tjetrit dhe duke pozuar së bashku në tapetin e kuq.
Në maj të vitit 2025, një përfaqësues i yllit konfirmoi se ajo kishte vizituar kirurgun e njohur plastik të personazheve të famshëm, Dr. Steven M. Levine, i cili në atë kohë u përshkrua nga Page Six si “mjeshtri i lifting-ut të fytyrës”.
