Albulena Haxhiu ka reaguar pas publikimit të vërejtjeve përfundimtare të Komiteti i OKB-së për Eliminimin e Diskriminimit Racor ndaj Serbisë, duke theksuar se ato konfirmojnë shqetësimet e ngritura prej vitesh nga shqiptarët në Preshevë, Medvegjë dhe Bujanoc.
Sipas Haxhiut, Kuvendi i Kosovë, përmes rezolutës së miratuar më 24 prill 2026 për avancimin e përkujdesjes institucionale ndaj shqiptarëve në Luginë, e ka trajtuar këtë çështje si përgjegjësi shtetërore, ndërsa tashmë gjetjet e CERD-it i japin edhe dimension ndërkombëtar.
Ajo ka theksuar se pasivizimi i adresave përbën diskriminim dhe cenim të pranisë juridike të qytetarëve shqiptarë, duke ndikuar drejtpërdrejt në mohimin e dokumenteve, shërbimeve dhe sigurisë ligjore.
Haxhiu u ka bërë thirrje partnerëve ndërkombëtarë, mekanizmave të Organizata e Kombeve të Bashkuara, Bashkimi Evropian, OSBE dhe Këshilli i Evropës që këtë çështje ta trajtojnë me prioritet dhe të kërkojnë nga Serbia zbatimin e plotë të rekomandimeve të CERD-it.
Sipas saj, të drejtat e shqiptarëve në Luginë nuk duhet të mbeten jashtë vëmendjes ndërkombëtare, por të jenë pjesë e dialogut politik dhe proceseve që lidhen me sundimin e ligjit dhe trajtimin e pakicave./BujanociNet/
