Reshjet e dendura të shiut kanë përfshirë Stambollin që nga mbrëmja e kaluar, duke shkaktuar përmbytje në disa zona të qytetit.
Në rrethin Pendik, nënkalimi Kaynarca, në lagjen Çamçeşme, u mbush me ujë, ndërsa reshjet e rrëmbyeshme vështirësuan qarkullimin dhe lëvizjen e banorëve.
Rrebeshet përfshinë lagje të ndryshme të qytetit, duke i zënë në befasi qytetarët që po shkonin në punë në orët e mëngjesit.
İstanbul Pendik 😳 https://t.co/1C8nW4EDrB
— Hava Forum (@HavaForum) October 27, 2026
Sipas raportimeve, rrugët dhe nënkalimet në disa zona u mbushën me ujë, ndërsa reshjet vazhduan të intensifikoheshin herë pas here.
Ministria e Mjedisit, Urbanizimit dhe Ndryshimeve Klimatike lëshoi paralajmërim për rrezikun nga përmbytjet për shkak të reshjeve që pritet të prekin disa provinca, përfshirë Stambollin, për të cilin është shpallur alarm i verdhë.
SON DAKİKA | ŞİLE’DEN ENDİŞE VERİCİ GÖRÜNTÜLER GELİYORGeçtiğimiz günlerde sel felaketinin yaşandığı Şile, yeniden şiddetli yağışın etkisi altında. İlçede etkisini artıran sağanak yağış nedeniyle endişe verici görüntüler kaydedildi.📹 Şile’den gelen son görüntüleri derledik.
— İstanbul Büyükşehir Haber (@ibbhaberr) October 27, 2026
🌧️ İstanbul’da meydana gelen sağanak Pendik ve Tuzla’da su baskınlarına neden oldu ⤵️▫️ Bazı caddeler su altında kaldı▫️ Sürücüler yollarda ilerlemekte güçlük çekti🔗 https://t.co/omG37Bwskd https://t.co/ur5mFx35z3
— Anadolu Ajansı (@anadoluajansi) October 27, 2026
Ndërkohë, Qendra e Koordinimit të Fatkeqësive të Stambollit (AKOM) paralajmëroi se era veriore pritet të forcohet, duke arritur shpejtësinë nga 40 deri në 70 kilometra në orë.
Si pasojë, temperaturat mund të ulen me 5 deri në 7 gradë Celsius, ndërsa në të gjithë qytetin parashikohen reshje të herëpashershme shiu.
Sipas parashikimeve meteorologjike, reshjet pritet të intensifikohen sërish nga mbrëmja e së nesërmes, duke rritur rrezikun e përmbytjeve në zonat e prekura.
Autoritetet u kanë bërë thirrje qytetarëve të tregojnë kujdes ndaj kushteve të pafavorshme atmosferike. /Telegrafi/
