Kurti takon katër senatorë amerikanë, u flet për ‘‘rëndësinë’’ e dorëzimit të Radoiçiqit dhe tërheqjen e letrës së Brnabqit

Kryeministri i Kosovës, Albin Kurti, është takuar me me senatorët amerikanë Jeanne Shaheen, Chris Murphy, Thom Tillis dhe Ruben Gallego. Ky takim është zhvilluar në margjinat e Konferencës së Sigurisë në Mynih.
Kurti, siç bëhet e ditur në komunikatë, ka shprehur mirënjohje ndaj Shteteve të Bashkuara të Amerikës, si aleatin kryesor të Kosovës.
‘’ Në lidhje me raportet me Serbinë, Kryeministri theksoi rëndësinë e dorëzimit të kryeterroristit Milan Radoiçiq, i cili duhet të përballet me drejtësinë në Kosovë për organizimin dhe ekzekutimin e sulmit në Banjskë më 24 shtator 2023; nënshkrimit të Marrëveshjes Bazike; tërheqjes së letrës së Brnabiq ku thuhet se nuk do të respektohet integriteti territorial i Kosovës’’, thuhet mes tjerash në komunikatë.
Komunikata:
Kryeministri Kurti u takua me senatorët amerikanë Shaheen, Murphy, Tillis dhe Gallego
Mynih, 14 shkurt 2026
Në margjina të Konferencës së Sigurisë në Mynih, Kryeministri i Republikës së Kosovës, Albin Kurti, u takua me senatorët amerikanë Jeanne Shaheen, Chris Murphy, Thom Tillis dhe Ruben Gallego. Ai shoqërohej në këtë takim nga Zëvendëskryeministri i Parë dhe Ministri i Punëve të Jashtme dhe Diasporës, Glauk Konjufca, dhe Ministri i Mbrojtjes, Ejup Maqedonci.
Kryeministri Kurti shprehu mirënjohjen ndaj Shteteve të Bashkuara të Amerikës si aleatin tonë kryesor. Progresi i Kosovës në aspektin demokratik dhe atë ekonomik u theksua përgjatë takimit.
Kryeministri foli edhe rreth orientimit euro-atlantik dhe objektivit e angazhimit tonë të vazhdueshëm për anëtarësim në NATO dhe Bashkimin Evropian.
Në lidhje me raportet me Serbinë, Kryeministri theksoi rëndësinë e dorëzimit të kryeterroristit Milan Radoiçiq, i cili duhet të përballet me drejtësinë në Kosovë për organizimin dhe ekzekutimin e sulmit në Banjskë më 24 shtator 2023; nënshkrimit të Marrëveshjes Bazike; tërheqjes së letrës së Brnabiq ku thuhet se nuk do të respektohet integriteti territorial i Kosovës.

Lexo edhe nga Nacionale

Largohen flamujt e Serbisë në Graçanicë, të vendosur kundërligjshëm Institucionet e Kosovës kanë ndërmarrë një aksion në Komunën e Graçanica, ku janë hequr flamujt e Serbia që...