I mbijetoi dy injeksioneve vdekjeprurëse – detaje të reja rreth dështimit të ekzekutimit të Christa Pike

Ekipi përgjegjës për ekzekutimin e Christa Pike në Tennessee të SHBA-së kishte frikë se vena e saj mund të çahej gjatë procedurës, por megjithatë vazhdoi me administrimin e injeksionit vdekjeprurës, sipas deklaratës së avokatit të saj.

Pike, 50 vjeçe, i mbijetoi përpjekjes për ekzekutim më 30 shtator, pasi procedura me injeksion vdekjeprurës dështoi. Ajo u shtrua në spital për dhjetë ditë dhe më pas u kthye në burg.

Avokati Randy Spivey, i cili ishte i pranishëm si dëshmitar, përshkroi në një deklaratë gjyqësore përpjekjet e ekipit për t’ia gjetur venën. Sipas tij, procesi zgjati gati një orë dhe u përdorën dhjetë gjilpëra.

Christa Pike lirohet nga spitali, 10 ditë pas ekzekutimit të dështuar me injeksion

Lexo edhe nga Bota

Reagon Macron, pasi protestues të dhunshëm dhe plaçkitës “morën në duar” demonstratat paqësore në mbarë Francën Policia dhe protestuesit u përplasën dhunshëm në Paris dhe në qytete të tjera franceze të shtunën, ndërsa gjysmë...

Gjatë procedurës, anëtarët e ekipit shprehën disa herë shqetësimin se vena mund të ishte dëmtuar. Ata diskutuan edhe për gjatësinë e gjilpërave, ndërsa përpjekjet për krijimin e një linje intravenoze nuk dhanë rezultat, shkruan theguardian.

Pavarësisht vështirësive, ekipi besoi se kishte arritur ta vendoste linjën intravenoze dhe vazhdoi me administrimin e pentobarbitalit, substancës që përdoret në injeksionet vdekjeprurëse. Megjithatë, Pike mbeti gjallë.

Sipas përshkrimit të avokatit, pas përfundimit të procedurës, ajo lëshonte tinguj që ngjanin me gërhitje dhe mbytje. Më vonë, ajo u ankua për dhimbje dhe ndjesinë se krahu po i shpërthente.

Rasti ka ngritur pikëpyetje mbi mënyrën e zbatimit të protokollit të ekzekutimit në Tennessee. Guvernatori i shtetit, Bill Lee, pezulloi ekzekutimet deri në përfundimin e shqyrtimit të procedurave.

Si i mbijetoi amerikanja injeksionit vdekjeprurës dhe çfarë ndodhi gjatë dy orëve në dhomën e ekzekutimit?

Avokatët e të dënuarve me vdekje kanë argumentuar se protokolli paraqet rrezik për vuajtje të rënda dhe të panevojshme.

Ata përmendën edhe rastin e Tony Carruthersit, ekzekutimi i të cilit dështoi në maj, pasi ekipit iu deshën më shumë se 30 minuta për t’ia gjetur venën.

Pike u dënua me vdekje për vrasjen e Colleen Slemmer në vitin 1995, kur ishte 18 vjeçe. Ajo u dënua në vitin 1996, në moshën 20-vjeçare.

Nëse ekzekutimi do të kishte përfunduar me sukses, ajo do të ishte gruaja e parë e ekzekutuar në Tennessee në rreth 200 vjet.

Avokatët e saj kanë kërkuar më herët falje, duke argumentuar se Pike kishte përjetuar keqtrajtim gjatë fëmijërisë dhe se problemet në zhvillimin e saj kishin ndikuar në sjelljen dhe kontrollin e impulseve. /Telegrafi/