Këtë të diel, më 4 tetor, Prishtina nis ditën pak më ndryshe – me vrap, muzikë dhe energji të mirë. Prishtina Run Club – RC VOL.08 sjell një vrapim të lehtë prej 5 kilometrash, ndërsa këtë herë pjesë e eksperiencës është edhe SPAR Kosova.
Takimi bëhet te SPAR në Dragodan, ku në ora 10:15 nis nxehja dhe ushtrimet e mobilitetit, të udhëhequra nga Ritwells. Në 10:30, grupi niset për 5 kilometra nëpër qytet – pa presion për kohë dhe pa rëndësi se sa përvojë keni në vrapim.
Ideja është e thjeshtë: të dilni, të lëvizni dhe ta kaloni një mëngjes të mirë me njerëz që e duan aktivitetin dhe atmosferën e komunitetit.
Pas vrapimit, gjithçka rikthehet te SPAR, ku nga ora 11:00 nis DJ set-i, me pije dhe një atmosferë të relaksuar për të vazhduar mëngjesin së bashku.
Për SPAR Kosova, ky aktivitet është një mënyrë për të qenë më afër komunitetit dhe për të mbështetur një stil jetese më aktiv, social dhe pozitiv. Pikërisht kjo e bën RC VOL.08 më shumë se një vrapim të zakonshëm – është një takim i njerëzve, energjisë dhe qytetit në një vend.
Pjesëmarrja është e hapur për të gjitha nivelet, ndërsa regjistrimi bëhet paraprakisht përmes faqes së Prishtina Run Club.
