Tifozët irlandezë drejt Prishtinës për ndeshjen Kosovë – Irlandë? Ja ku do të jetë pika kryesore e takimit

Me rastin e ndeshjes së shumëpritur mes Kosovës dhe Irlandës, tifozët irlandezë që do të udhëtojnë drejt Prishtinës do të kenë një vend të dedikuar për t’u mbledhur, festuar dhe shijuar atmosferën para dhe pas ndeshjes.

Hi Charlie – Kafet e Rakisë do të shndërrohet në një pikë të veçantë për tifozët irlandezë më 23 dhe 24 shtator, vetëm 5 minuta larg stadiumit. Për dy net me radhë, lokali do të dekorohet me tematikë tërësisht irlandeze, me flamuj, muzikë, futboll dhe atmosferën karakteristike që sjellin tifozët nga Irlanda.

Your browser does not support the video tag.

Lexo edhe nga Sport

Shtohen problemet për Spalletttin, ylli i ekipit këput ligamentin e gjurit Kamil Grabara ka pësuar këputje të ligamentit të kryqëzuar të përparmë në gjurin e djathtë, ka konfirmuar Juventusi,...

Vizitorët do të kenë mundësi të shijojnë:

Pijen tradicionale irlandeze McDaid’s Football Special

Atmosferë festive me DJ Micky Quinn Pije para ndeshjes

Transmetimin e ndeshjes për ata që nuk kanë biletë

Organizatorët thonë se shumë tifozë irlandezë pritet të udhëtojnë drejt Prishtinës edhe pa siguruar një biletë për stadiumin, ndaj ideja është të krijohet një vend mikpritës ku ata mund të mblidhen, të kalojnë kohë së bashku dhe të shijojnë përvojën e ndeshjes në zemër të qytetit.

Hyrja është falas dhe të gjithë janë të mirëpritur, pavarësisht nëse kanë apo jo biletë për ndeshjen.

Prishtina është gati të presë mysafirët nga Irlanda dhe të ofrojë një atmosferë të veçantë sportive e festive për të gjithë tifozët që do të jenë pjesë e kësaj ngjarjeje.