Sony pritet të prezantojë së shpejti Xperia 10 VIII, ndërsa një foto e re tregon dizajnin e telefonit para prezantimit zyrtar.
Nga pamja, Xperia 10 VIII duket shumë i ngjashëm me paraardhësin, me dy kamera të pasme të vendosura në një shirit horizontal.
Ndryshimi më i dukshëm mund të jetë pjesa e pasme, e cila duket gjysmë-transparente/mat.
Sipas rrjedhjeve nga Geekbench, telefoni mund të vijë me Android 16, Snapdragon 6 Gen 3 dhe 8 GB RAM, pra me specifika pothuajse të njëjta me modelin e mëparshëm.
Gjithashtu, pritet të ruajë edhe portën 3.5 mm për kufje, një veçori që Sony vazhdon ta mbajë në modelet Xperia.
Sony do të zhvillojë prezantimin më 25 gusht, ku pritet të zbulojë zyrtarisht telefonin dhe detajet e tij.
Ende nuk dihet nëse Xperia 10 VIII do të jetë i disponueshëm në të gjitha tregjet, por një lansim në Europë mbetet i mundshëm.
