Itali: Plagoset një ushtar amerikan, ishte i shoqëruar nga një 37-vjeçare shqiptare

Një ushtar amerikan me bazë në Aviano po shërohet pasi u godit me thikë jashtë një klubi nate javën e kaluar në qytetin e afërt të Coneglianos.
Ushtari, identiteti i të cilit nuk është bërë i ditur dhe që nga disa media italiane përshkruhet si një burrë 28-vjeçar, u trajtua për lëndimet në një spital lokal dhe po shërohet në shtëpi, tha zëdhënësja e Brigadës Ajrore 173, kapitenja Jennifer French, ka raportuar “Stars and Stripes”.
Zyrtarët ushtarakë amerikanë po bashkëpunojnë me hetuesit italianë, tha French, duke shtuar se ushtari ishte jashtë detyrës në momentin e incidentit. Ajo refuzoi të japë më shumë detaje, duke u thirrur në hetimin në vazhdim.
Raportimet e mediave italiane thanë se ngjarja ndodhi në orët e hershme të mëngjesit të 28 dhjetorit, jashtë një klubi privat.
Sipas raportimeve, ushtari dhe një grua shqiptare 37-vjeçare që ishte me të u përballën me një grup personash që e njihnin gruan. Pasoi një përleshje dhe si ushtari amerikan ashtu edhe gruaja u plagosën.
Fillimisht u mendua se ushtari ishte në gjendje kritike dhe u dërgua me urgjencë në spital për trajtim, pasi fqinjët u njoftuan nga thirrjet për ndihmë të gruas, sipas raportimeve.
Policia identifikoi një të dyshuar duke shqyrtuar pamjet e kamerave, përmes një targë automjeti, sipas një raportimi të Virgilio.it më 29 dhjetor.

Lexo edhe nga Nacionale

​“Kosova nuk ftohet në Samitin e NATO-s”, Ministria e Punëve të Jashtme del me sqarim Ministria e Punëve të Jashtme e Republikës së Kosovës ka dal me një sqarim pas raportimeve se Kosova...