Bayern Munich ka siguruar kualifikimin në çerekfinalet e Liga e Kampionëve, pasi mposhti Atalanta në dy ndeshje, duke vazhduar rrugëtimin në elitën e futbollit evropian me rezultat të përgjithshëm 10-2.
Pas përfundimit të ndeshjes, trajneri i bavarezëve, Vincent Kompany, u shpreh i kënaqur me paraqitjen e skuadrës së tij.
“Jam krenar për djemtë, lojën e tyre, golat dhe energjinë në fushë. Nuk mundëm të siguronim avantazhin në pjesën e parë, kështu që na u desh të punonim shumë. Në përgjithësi, ishte një ditë pozitive për klubin,” deklaroi ai.
Kompany theksoi se fokusi i tij ishte tërësisht te përballja me Atalantën dhe jo te kundërshtari i radhës.
“Nuk mendova për kundërshtarin e ardhshëm. Mendova vetëm për Atalantën dhe kalimin në raundin tjetër. Tani e dimë se do të përballemi me Real Madrid dhe këto do të jenë ndeshje fantastike për klubin, lojtarët dhe tifozët në mbarë botën”, u shpreh ai.
Trajneri belg shmangu të përcaktojë një favorit për këtë përballje të madhe.
“Kush është favoriti? Nuk e di. Nuk dua ta diskutoj këtë tani. Të dyja ekipet janë në një nivel shumë të lartë. Real Madrid është klubi më i suksesshëm në historinë e Ligës së Kampionëve, kështu që do të jetë një sfidë e madhe për ne. Ne duam të fitojmë”, theksoi Kompany.
Ai shtoi se përballja mes dy gjigantëve evropianë premton spektakël të madh.
“Po bëhen gjëra shumë të rëndësishme në të dy klubet. Historia dhe talenti në fushë janë të jashtëzakonshme. Presim ndeshje të mëdha dhe shpresoj që edhe tifozët neutralë t’i shijojnë. Në fund, synimi ynë është të fitojmë dhe të kalojmë tutje”, përfundoi ai.
Në çerekfinalet e Liga e Kampionëve, Bayern Munich do të përballet me Real Madrid në një nga duelet më të forta të këtij sezoni. /Telegrafi/
