Regjistrohen dy rrëqebuj të rinj në Malin Sharr

Parku Kombëtar i “Mali i Sharr” njofton se përmes monitorimit me kamera në zonën e mbrojtur janë regjistruar dy rrëqebuj të rinj ballkanikë.

Me këto dy rrëqebuj, numri i përgjithshëm i këtyre kafshëve të egra tani arrin në pesë, të cilat përbëjnë një specie të rrallë dhe të rrezikuar.

▶ Lexo edhe këtë nga Nacionale

Gjashtë të vdekur nga zjarri në një autobus në Zvicër, dëshmitari shqiptar: Ai i hodhi vetes benzinë dhe pastaj i vuri flakën vetes Të martën në mbrëmje shpërtheu një zjarr në një autobus postar në Kerzers, në kantonin e Fribourgut, ku...

“Në kamerat tona kurth në territorin e Parkut, së fundmi janë regjistruar dy individë të rinj të rrëqebullit Ballkanik. Të njëjtit janë vërejtur gjatë realizimit të monitorimit të rregullt, në pjesën e territorit që administrativisht i përket Komunës së Vrapçishtit. Me këtë, numri i individëve të identifikuar të rrëqebullit rritet nga 3 në 5.

Të dy individët janë në gjendje të mirë shëndetësore, gjë që paraqet tregues për stabilizimin dhe rikuperimin e popullatës së këtij lloji të rrallë në Malin Sharr.

Falë angazhimit të ekipit të I.P. Parku Kombëtar Mali Sharr, numri i kafshëve të egra, e veçanërisht i rrëqebullit, është në rritje, duke konfirmuar efektin pozitiv të masave për mbrojtjen e natyrës”, thuhet në njoftimin e PK “Mali Sharr”./Telegrafi/