Pse qendra e naftës në ishullin Kharg të Iranit është ende e paprekur nga bombarduesit amerikanë-izraelitë?

Ishulli Kharg – përmes të cilit rrjedhin 90% e eksporteve të naftës së Iranit – është padyshim objektivi më i ndjeshëm ekonomik i vendit, por terminali i eksportit deri më tani ka mbetur i paprekur gjatë gjithë fushatës së bombardimeve SHBA-Izrael, shkruan The Guardian.

Ekspertët thonë se bombardimi ose kapja e vendit nga forcat amerikane ka të ngjarë të shkaktojë një rritje të qëndrueshme të çmimeve të naftës që janë tashmë në rritje, pasi kjo do të përbënte heqjen dorë nga të gjithë eksportet ditore të naftës bruto të Iranit, transmeton Telegrafi.

"Mund të shohim çmimin prej 120 dollarësh për fuçi që pamë të hënën të shkojë në 150 dollarë nëse Kharg sulmohet. Është shumë jetik për tregjet globale të energjisë", tha Neil Quilliam, nga grupi i ekspertëve Chatham House.

▶ Lexo edhe këtë

Franca, Gjermania dhe Britania e Madhe gati për “veprime të nevojshme” kundër kapaciteteve ushtarake të Teheranit

Edhe pse SHBA-të kanë goditur 5,000 objektiva në dhe përreth Iranit, deri më tani janë përmbajtur nga bombardimi i infrastrukturës së naftës së vendit – megjithëse çmimet e naftës mbeten gati 20 dollarë për fuçi më të larta sepse frika e hakmarrjes iraniane në fakt e ka mbyllur Ngushticën e Hormuzit për trafikun e tankerëve.

Forcat ajrore të Izraelit goditën dy rafineri nafte dhe dy depo të shtunën, duke e zhytur Teheranin në atë që disa banorë e përshkruan si një errësirë "apokaliptike", ndërsa tymi i zi i dendur zbriti mbi kryeqytet. Por që atëherë nuk ka pasur sulme.