Fenerbahçe ka zyrtarizuar emërimin e Emre Belözoğlu në pozitën e trajnerit të ekipit të parë.
Për Belözoğlun kjo është një rikthim në një ambient që e njeh shumë mirë, pasi gjatë karrierës së tij ka qenë pjesë e klubit nga Stambolli në disa role të ndryshme.
Ai ka mbajtur më parë fanellën e Fenerbahçes si futbollist, ndërsa pas përfundimit të karrierës si lojtar ka ushtruar edhe detyrën e drejtorit sportiv.
Belözoğlu e ka drejtuar gjithashtu skuadrën si trajner për një periudhë të shkurtër, ndërsa tani rikthehet për ta marrë sërish drejtimin e ekipit, kësaj radhe me synimin për ta udhëhequr klubin drejt sukseseve të reja.
Në njoftimin e tij, Fenerbahçe theksoi lidhjen e veçantë të Belözoğlut me klubin dhe përgjegjësinë që bart përfaqësimi i ngjyrave verdheblu.
“Mirë se u ktheve në shtëpi, Emre Belözoğlu!”, ishte mesazhi i klubit për trajnerin e ri. /Telegrafi/