Unaza e fejesës së Hayden Panettiere, dhuratë nga ish-i fejuari i saj Wladimir Klitschko, rezulton se ishte zhdukur disa ditë para vdekjes së papritur të aktores në moshën 36-vjeçare.
Aktorja e ndjerë, nëna e së cilës u shfaq publikisht këtë javë, e kishte ruajtur unazën me vlerë të veçantë emocionale edhe pas prishjes së fejesës me Klitschkon, tashmë 50 vjeç, në vitin 2018.
Disa javë pas vdekjes së saj nga një mbidozë aksidentale më 16 gusht, familjarët dhe njerëzit e afërt të Panettiere nuk kanë mundur ta gjejnë unazën dhe dyshojnë se ajo mund të jetë marrë nga dikush.
“Unaza e fejesës së Hayden nga Wlad, të cilën ajo e kishte ruajtur gjatë gjithë këtyre viteve, është zhdukur”, tha një burim për revistën Us.
Burimi shtoi: “Miqtë dhe familjarët mendojnë se dikush që ka qenë me të gjatë ditëve të fundit të jetës së saj e ka marrë atë, ndërsa po shiste sendet e saj për të siguruar para.”
Panettiere dhe Klitschko, të cilët kishin një lidhje të ndërprerë që nisi në vitin 2009, kanë së bashku një vajzë 11-vjeçare, Kaya.
Unaza e markës Montblanc, me vlerë të raportuar prej 500 mijë dollarësh, ishte dizajnuar së bashku me vetë Panettiere.
“Ata më përgatitën një libër të jashtëzakonshëm, ku kishin bërë një sërë skicash”, kishte treguar ajo për E! News në vitin 2013. “Ua tregova idenë time me kalimin e kohës dhe, duke bërë ndryshime të vogla këtu e atje, në fund ajo mori formë.”
Unaza unike kishte një diamant në formë smeraldi në qendër dhe një strukturë të ndarë në dy pjesë anësore.
Panettiere ndërroi jetë pasi pësoi arrest kardiak pas një mbidoze në Karolinën e Jugut, ku po qëndronte në një apartament të marrë përmes Airbnb së bashku me të dashurin e saj të fundit, Brian Hickerson, 37 vjeç, dhe vëllain e tij, Zach Hickerson, 38 vjeç.
Në gusht, detektivët konfirmuan për Daily Mail se kishin reaguar ndaj një telefonate në numrin 911 nga një “i njohur” i Panettiere, i cili e kishte përshkruar atë si “pa reagim”.
Narcan, një sprej nazal që përdoret për të rikthyer efektet e mbidozës nga opioidet, u gjet mbi një dyshek në apartamentin në papafingo ku po qëndronte aktorja, raportoi më herët TMZ.
