Një rikthim i papritur në shtëpi, pas 566 ditësh larg familjes, është shndërruar në një moment tejet emocionues, pasi një video e publikuar në Instagram ka prekur zemrat e mijëra përdoruesve.
Pamjet, të shpërndara nga llogaria @yxshh_view, tregojnë momentin kur një burrë surprizon familjarët e tij me kthimin e papritur. Reagimi i nënës së tij është bërë pjesa më emocionuese e videos, pasi ajo i afrohet dhe e përqafon fort sapo e sheh.
Videoja nis me mbishkrimin: “Le t’i surprizojmë pas 566 ditësh”, duke treguar kohëzgjatjen e pritjes deri në këtë ribashkim.
Teksa ai shfaqet papritur para familjarëve, secili prej tyre reagon në mënyrën e vet, ndërsa përqafimi i nënës e bën momentin edhe më prekës. Edhe babai duket se përpiqet t’i mbajë emocionet nën kontroll.
Duke e publikuar videon, burri e shoqëroi atë me një përshkrim të shkurtër: “566 ditë dhe ky është momenti”.
Pamjet kanë marrë reagime të shumta në rrjetet sociale, ku përdoruesit kanë komentuar emocionet e familjes dhe veçanërisht përpjekjen e babait për të mos i shfaqur ndjenjat.
“Babai po përpiqet të qëndrojë i fortë, si gjithmonë”, shkroi një përdorues, transmeton Telegrafi.
“Ja edhe një herë që qaj për një moment të paharrueshëm të një të panjohuri”, komentoi një tjetër.
“Babai po bën çmos për t’i mbajtur emocionet nën kontroll”, shkroi një përdorues i tretë, ndërsa një tjetër e përshkroi ribashkimin thjesht si “shumë të ëmbël”. /Telegrafi/