Seanca plenare e së enjtes në Kuvendin e Shqipërisë ka nisur me tensione mes opozitës dhe mazhorancës, duke detyruar kryetarin e Kuvendit, Niko Peleshi, ta ndërpresë 2 herë atë.
Deputetët e opozitës bllokuan foltoren që në nisje të seancës, ndërsa kryetari i Partisë Demokratike, Sali Berisha, mori fjalën duke kritikuar deputetët socialistë.
Gjatë fjalimit, Berisha deklaroi se deputetët e Partisë Socialiste meritonin plumbat e gomës dhe gazin lotsjellës të përdorur gjatë protestës.
Pas kësaj deklarate, kryetari i Kuvendit, Niko Peleshi, reagoi menjëherë duke i hequr Berishës të drejtën e fjalës për gjithë ditën.
Situata shkaktoi tensione të mëtejshme në sallë, ndërsa Peleshi u detyrua ta ndërpresë 2 herë seancën plenare.
Përplasjet ndodhën në kohën kur opozita po kundërshtonte zhvillimin e punimeve të Kuvendit.
