Simone Ashley u shfaq me një fustan të kuq nga marka TOVE, me çmim prej 980 funtesh (rreth 1,125 euro), në hapjen e dyqanit kryesor të markës DeMellier në Sloane Square të Londrës.
Aktorja 31-vjeçare, e njohur për rolin e saj në serialin Bridgerton, kombinoi fustanin me mëngë të shkurtra dhe detaje të mbledhura me taka të zeza dhe një çantë në të njëjtën ngjyrë.
Në këtë event morën pjesë edhe aktorja Lesley Manville, këngëtarja Birdy, modelja Tigerlily Taylor dhe themeluesja e DeMellier, Mireia Llusia-Lindh, shkruan DailyMail.
Dyqani i ri është konceptuar si një hapësirë që pasqyron identitetin e markës, me mobilie vintage, vepra arti dhe ambiente të ngrohta.
Hapja shënoi gjithashtu prezantimin ekskluziv në dyqan të dy modeleve të reja të çantave, The Sloane dhe The Midi Sloane.
Karriera e Simone Ashley mori hov pas rolit në Sex Education, ndërsa famën ndërkombëtare e fitoi si Kate Sharma në sezonin e dytë të Bridgerton.
Së fundmi, ajo është përfshirë edhe në kastin e filmit The Devil Wears Prada 2, ku interpreton Amar i-n, asistenten e re të Miranda Priestly. /Telegrafi/
