AGK-ja mirëpret fitoren e gazetares Blerta Foniqi pas degradimit nga menaxhmenti i RTK-së

Inspektorati i Punës e ka miratuar ankesën e gazetares Blerta Foniqi Kabashi, duke vendosur në favor të saj dhe kundër vendimit të menaxhmentit që e degradonte atë nga pozita e redaktores të edicionit të Lajmeve Qendrore në redaktore të programit.
Vendimi ishte marrë nga U.D i kryeredaktorit, Blerim Haxhija, për të cilin Inspektorati konstaton se nuk kishte mandat për të marrë një vendim të tillë pasi që atij i kishte skaduar mandati më 15 shtator 2025. Asociacioni i Gazetarëve të Kosovës kujton se Foniqi Kabashit i ishte shqiptuar masë disiplinore “vërejtje” për shkak të punës si redaktore në Edicionin Qendror të lajmeve.
Ndërkaq, Inspektorati e ka urdhëruar RTK-në që në afat prej tri ditësh ta kthejë Foniqin në postin e përshkruar me kontratë. AGK-ja e ka mirëpritur këtë vendim të Inspektoratit, “i cili vërteton presionin e Menaxhmentit ndaj gazetarëve dhe redaktorëve që e kryejnë punën e tyre në mënyrë të pavarur dhe profesionale”.
“Për AGK-në është e papranueshme ndërhyrja e vazhdueshme politike e Qeverisë së Kosovës nëpërmjet partisë politike, Vetëvendosje në pavarësinë editoriale të Transmetuesit Publik, RTK”, u tha në njoftimin e AGK-së. /Klankosova.tv

Lexo edhe nga Nacionale

“Është derdhur shumë gjak për Kushtetutën”, Hamza: Shkelja ndodhi sonte Kryetari i PDK-së, Bedri Hamza, e ka cilësuar si “puç kushtetues” atë që ndodhi sonte në seancën për...