Kishte tri identitete, arrestohet në dalje të Shqipërisë i kërkuari nga Interpol Madrid për vjedhje me dhunë

Shërbimet e Policisë Kufitare Muriqan, në vijim të punës për kapjen e shtetasve të shpallur në kërkim dhe si rezultat i shkëmbimit të informacionit me Interpol Tiranën, kanë bërë të mundur kapjen e një shtetasi të shpallur në kërkim ndërkombëtar.

Në njoftimin e Policisë bëhet e ditur se në dalje të Shqipërisë, u kap shtetasi shqiptar A. T. alias A. B. alias A. C., 31 vjeç, banues në Mamurras.

Lexo edhe nga Nacionale

Analistët: Kthimi i ligjit për Specialen, mes kalkulimeve politike dhe “së keqes më të vogël” Analistët Imer Mushkolaj dhe Astrit Gashi kanë kritikuar mënyrën se si Partia Demokratike e Kosovës (PDK) e ka...

Ky shtetas ishte shpallur në kërkim ndërkombëtar nga Interpol Madridi, pasi Gjykata e Instruksionit nr. 4, Sabadell, Spanjë, me vendimin e datës 28.11.2025, i ka caktuar masën e sigurisë “Arrest në burg”, për veprën penale “Vjedhja me dhunë”.

31-vjeçari iu dorëzua shërbimeve të DVP Lezhë, të cilat kryen arrestimin e tij të përkohshëm, me qëllim ekstradimin në Spanjë.

Interpol Tirana, në bashkëpunim me homologët në Spanjë, vijon procedurat për ekstradimin e tij. /Telegrafi/