Si në shumë vende në botë, edhe Zvicra do të kalojë në orarin dimëror të dielën, më 25 tetor.
Në orën 03:00, akrepat do të kthehen në 02:00, duke u dhënë qytetarëve një orë më shumë gjumë.
Megjithatë, sipas raportimeve të Swissinfo, ndryshimi i orës mbetet temë debati për shkak të ndikimit të tij në shëndet.
Ndërsa, kalimi në orarin dimëror u mundëson njerëzve të flenë më gjatë, ndryshimi i ritmit të përditshëm mund të ndikojë përkohësisht në gjumë dhe në orën biologjike të trupit.
Studimet e përmendura në raportime tregojnë se ndryshimi sezonal i orës mund të shoqërohet me pasoja shëndetësore, shkruan Telegrafi.
Në Zvicër, sipas të dhënave të Zyrës Federale të Statistikave, ditën pas kalimit në orarin dimëror numri i pacientëve që paraqiten në urgjencë rritet mesatarisht me 3.5 %, ndërsa pas kalimit në orarin veror rritja arrin në 6.5 %.
Ekspertët e gjumit theksojnë rëndësinë e ritmit të qëndrueshëm të gjumit dhe të ekspozimit ndaj dritës natyrore në mëngjes për të ndihmuar trupin të përshtatet me orarin e ri.
Orari dimëror do të mbetet në fuqi deri më 28 mars 2027, kur Zvicra do të kalojë sërish në orarin veror./Telegrafi/
