Më 18 tetor të vitit 1963, një mace e vogël bardhezi shkroi historinë, duke u bërë macja e parë dhe e vetme që udhëtoi në hapësirë dhe u kthye e gjallë në Tokë.
E quajtur Felicette, ajo u dërgua në një fluturim sme një raketë franceze Veronique.
Udhëtimi zgjati rreth 13 minuta, ndërsa kapsula arriti një lartësi prej afërsisht 157 kilometrash mbi Tokë.
Në atë kohë, Shtetet e Bashkuara dhe Bashkimi Sovjetik po përdornin qen e majmunë për të studiuar ndikimin e udhëtimeve hapësinore te qeniet e gjalla.
Franca zgjodhi një mace për të hulumtuar se si organizmi reagonte ndaj gravitetit dhe kushteve jashtë atmosferës së Tokës.
Para misionit, macja njihej vetëm me kodin laboratorik C341. Emrin Felicette e mori pasi u kthye shëndoshë e mirë nga udhëtimi historik.
Gjatë fluturimit, ajo përjetoi forca të mëdha gravitacionale.
Megjithatë, historia e saj pati një fund të trishtë.
Dy muaj pas kthimit në Tokë, Felicette u eutanazua, pasi shkencëtarët dëshironin të studionin trurin e saj për të kuptuar më mirë ndikimet e udhëtimit në hapësirë.
Kontributi i saj u njoh zyrtarisht dekada më vonë, kur në nder të saj u zbulua një statujë bronzi.
Edhe pse udhëtimi i saj zgjati vetëm pak minuta, Felicette mbeti pjesë e historisë së eksplorimit hapësinor, duke ndihmuar shkencëtarët të kuptonin më shumë për sfidat e udhëtimeve përtej Tokës. /Telegrafi/
