Kryetari i Prishtinës, Përparim Rama, ka reaguar me ironi ndaj zhvillimeve në Kuvendin e Kosovës gjatë seancës për votimin e Qeverisë së re.
Rama ka komentuar praninë e deputetëve të Lëvizjes Vetëvendosje dhe të Listës Serbe në sallën e Kuvendit, duke e lidhur këtë situatë me qëndrimet që, sipas tij, Vetëvendosje ka mbajtur ditë më parë ndaj Listës Serbe dhe përfaqësuesve të komunitetit serb.
Lexo edhe nga Nacionale
Komunikata numër 11: Dokumenti i parë që doli publikisht në emër të UÇK-së
Më 17 nëntor 1994, krahas vendimit për emërtimin e formacionit ushtarak si Ushtria Çlirimtare e Kosovës, u hartua...
Në një postim në rrjetet sociale, Rama ka shkruar:
“Sot paskan vendos mos me qenë patriota me ‘popullin serb’. Para dy dite po. Sot, jo. Patriotizmi, sot në Vetëvendosje e paska pushim! Pamje historike!”
Reagimi i Ramës vjen në një moment të rëndësishëm politik, kur Kuvendi po zhvillon seancën për votimin e përbërjes së re të Qeverisë.
