E plotësuar: Një person rreth 20-vjeçar ka vdekur në vend, ndërsa një tjetër është lënduar pas rënies së vinçit në një vendpunishte në Prishtinë të martën, kanë konfirmuar për KOHËN nga Qendra e Mjekësisë Urgjente në kryeqytet.
Sipas tyre, i lënduari është dërguar në Qendrën Klinike Universitare të Kosovës (QKUK) për trajtim të mëtutjeshëm.
Rrëzohet një vinç në një punishte në Lagjen e Spitalit, policia jep detaje
Një vinç është rrëzuar të martën në një punishte ndërtimi në zonën e Lagjes së Spitalit në Prishtinë, ku si pasojë kanë mbetur të lënduar dy persona.
Lajmin për Telegrafin e ka konfirmuar zëdhënësi i Policisë së Kosovës për rajonin e Prishtinës, Enis Pllana.
“Lidhur me rastin në fjalë, ju njoftojmë se dy persona kanë mbetur të lënduar, të cilët kanë pranuar tretman mjekësor. Njësitet policore kanë dalë në vendin e ngjarjes dhe kanë ndërmarrë veprimet e nevojshme”.
“Aktualisht, njësitet relevante, në koordinim me Prokurorin e Shtetit, kanë filluar hetimet për sqarimin e rrethanave të rastit”, ka deklaruar Pllana.
Policia nuk ka bërë të ditur shkakun e rrëzimit të vinçit, ndërsa hetimet janë në zhvillim për të sqaruar rrethanat e incidentit./Telegrafi.
