Foto: Pixabay
Me miratimin e Ligjit për prind-kujdestar, prindërit që kanë statusin e kujdestarit do të fitojnë të drejtën për një pagesë mujore prej 65.000 dinarësh dhe të drejtën për përvojë pune.
Këtë e ka deklaruar ministrja për punë, punësim, çështje të veteranëve dhe sociale, Milica Đurđević Stamenkovski.
“Ky ligj do t’u sjellë prindërve që kujdesen për fëmijët një status të veçantë, një kornizë institucionale dhe njohje nga sistemi. Me miratimin e ligjit, ata bëhen faktor i rëndësishëm që do të marrin pjesë në të gjitha diskutimet e ardhshme lidhur me ndryshimet dhe plotësimet e ligjeve që i prekin drejtpërdrejt ose tërthorazi”, ka deklaruar ajo për “Večernje novosti”.
Ajo tha se fëmijët do të vazhdojnë të kenë të drejtën për shtesë për kujdes dhe ndihmë nga të tjerët në shumën prej 41.000 dinarësh në muaj, dhe se me vendosjen e statusit “prind-kujdestar” nuk do të hiqen format e tjera të mbështetjes, si:
- shoqërues personal
- qëndrimi ditor (kujdes ditor)
“Nuk mund ta përcaktojmë me siguri datën e miratimit të këtij ligji, sepse duhet të kalohen të gjitha procedurat, por mund të them se presim zbatimin e plotë brenda këtij viti”, ka shtuar ajo.
