Barcelona po e konsideron Alejandro Balde si pjesë thelbësore të projektit të tyre, por janë të vetëdijshëm se nuk do të mund t’i rezistonin një oferte të majme, veçanërisht kur synojnë të përmirësojnë gjendjen financiare dhe të investojnë shumë gjatë afatit kalimtar veror.
Në të njëjtën mënyrë, e ardhmja e Ferran Torres në Camp Nou mbetet në pikëpyetje, pasi kontrata e tij skadon në qershor 2027.
Klubi është i gatshëm ta shesë atë për të lehtësuar nënshkrimin e Julian Alvarez nga Atletico Madrid, i cili mbetet objektivi kryesor për verën.
Torres, i cili ka pasur vështirësi me formën, mund të shtyhet drejt largimit nëse Robert Lewandowski pranon ofertën e rinovimit me kosto të ulët të Barcelonës.
Megjithatë, Diario Sport raporton se trajneri Hansi Flick nuk dëshiron që largimet e tyre të ndikojnë tek harmonizimi i grupit.
Torres ruan një lidhje të ngushtë me Pedri, ku të dy mbajnë njëri-tjetrin pas në momentet e vështira. Po ashtu, Lamine Yamal dhe Alejandro Balde janë miq të ngushtë prej shumë kohësh.
Prandaj, Barcelona është e kujdesshme të mos prishë harmoninë në dhomën e zhveshjes para se të dëgjojë ofertat për lojtarët./Telegrafi/
