Mediumi sllovak i jep jehonë tifozëve të Kosovës: Energji e jashtëzakonshme në qytet, i kanë pushtuar të gjitha rrugët në Bratislavë

Tifozët e Kosovës i kanë pushtuar rrugët e Bratislavës para përballjes mes Sllovakisë dhe Kosovës, kështu së paku raportojnë mediat sllovake.

Kosova do ta zhvillojë gjysmëfinalen e play-offit në Sllovaki, ndërsa rrugët janë mbushur me tifozët dardanë.

Mediumi i njohur sllovak “sport24.pluska” raporton se 1 mijë e 300 tifozë kanë bileta zyrtare, megjithatë shumë më shumë do të arrijnë pasi ka blerë bileta nga sllovakët në të “zezën”.

▶ Lexo edhe këtë nga Sport

“Shumë i lumtur përë këtë çmim”, Lumbardh Dellova reagon pasi fitoi çmimin e golit më të mirë të sezonit Mbrojtësi Lumbardh Dellova thotë se është tepër i lumtur që e fitoi çmimin “Goli më i mirë i...

“Bratislava ka qenë e gjallë që nga dje. Falë tifozëve të Kosovës ka qenë një energji e jashtëzakonshme në qytet. Brohoritjet e tyre kanë fituar vëmendjen e të gjithëve në kryeqytet”.

“Zyrtarisht ata kanë 1 mijë e 300 bileta, por shumë më shumë do të vijnë”, raporton mediumi.

Sllovakia i ka plotësuar ndërkohë të gjitha kushtet për të mos pasur probleme, pasi raportohet se në secilën rrugë ka së paku nga një parullë të policisë, të cilët po e vëzhgojnë nga afër situatën.

Te Sllovakia ka frikë të madhe se gjysma e stadiumit mund të jetë e mbushur nga kosovarët, që në bazë të raportimeve pritet të jenë rreth 7 mijë tifozë.

Kujtojmë, përballja mes Sllovakisë dhe Kosovës do të zhvillohet të enjten nga ora 20:45./Telegrafi/