MPB Maqedoni njofton se nëpunës policorë nga NJPB Koçan, duke ndërmarrë masa dhe veprime, e privuan nga liria D.S. (43) nga Koçani, për shkak të dyshimit se gjatë periudhës së kaluar ka kryer katër vjedhje të rënda nëpër shtëpi në rrethinë të Koçanit.
“Në bazë të urdhrit të gjykatës, është realizuar bastisje në shtëpinë e tij, me ç’rast janë gjetur dhe sekuestruar sende që burojnë nga veprat penale të përmendura”.
“Pas dokumentimit të plotë të rasteve, kundër personit do të ngrihet kallëzim penal përkatës”, thonë nga MPB.
