Ylli në mbrojtje të Gjestit: I janë bërë shumë padrejtësi në këto muajt e fundit, na prek edhe neve

Pas arrestimit të Gjestit ka pasur reagime të shumta nga artistë të njohur, të cilët i dolën në mbështetje.

Një të tillë së fundmi e ka bërë edhe kolegu i tij, Yll Limani, me të cilin gjendet edhe në një label.

Në një postim të gjatë, ai thotë se atij i janë bërë shumë padrejtësi në muajt e fundit.

▶ Lexo edhe këtë nga Magazina

Me sa vite burg dhe sa euro mund të dënohet Gjesti për veprat që rëndojnë mbi të? Ndalimi i reperit nga Peja, Besart Kelmendi, i njohur për publikun si Gjesti, në mes të Prishtinë nën...

Postimi i plotë i Yllit (pa ndërhyrje):

“Gjestit ju kanë bërë shumë padrejtësi në këto muajt e fundit.

Gjëra që asnjë artist nuk duhet me i kalu vetëm pse krijon dhe shpreh veten përmes artit.

Arti nuk matet me pengesa, presion apo padrejtësi.

Arti është diçka që nuk mundesh me e ndal. Kur një artist përballet me padrejtësi, nuk është veç betetja e tij: është diçka që na prek krejt neve që besojmë në lirinë e krijimit.

Gjestin e njohim për talentin, për shpirtin dhe për përkushtimin ndaj artit.

Këto janë gjëra që askush nuk mundet me ia marrë.

Arti i vërtetë gjithmonë gjen rrugë”.

Ndërkohë, Gjykata Themelore në Prishtinë ka vendosur të caktojë masën e paraburgimit ndaj të pandehurit Besart Kelmedi – Gjestit i cili dyshohet për kryerjen e tri veprave penale.

Gjesti dyshohet për veprat penale “Kanosja”, “Asgjësimi apo dëmtimi i pasurisë”, si dhe “Mbajtja në pronësi, kontroll ose posedim të paautorizuar të armëve”. /Telegrafi/