“Vedat Muriqi është legjendë e Kosovës” – gazetari Lavdim Pireva për kritikat ndaj kapitenit

Në episodin më të ri të podcastit “Arena e Yjeve”, gazetarët e Telegrafit analizuan rrugëtimin e Kosovës në ciklin kualifikues për Botërorin. Ky episod realizohet me mbështetjen e sponsorit zyrtar Exfis.

Gazetari Lavdim Pireva fillimisht flet për sulmuesin e Kosovës, Vedat Muriqi, i cili gjatë ditëve të fundit ka marrë kritika nga disa tifozë.

Pireva i del në mbrojtje kapitenit të Kosovës, duke e cilësuar atë si lojtarin më të mirë që ka veshur ndonjëherë fanellën e ‘Dardanëve’.

▶ Lexo edhe këtë nga Sport

Analisti turk kritikon ashpër gjestin e Kerem Akturkoglu ndaj Kosovës Erman Toroglu, ish-lojtar turk i futbollit, dhe ish gjyqtar i FIFA-s , aktualisht komentator dhe kolumnist sportiv, ka...

“Unë mendoj që është sinonim i Kosovës. Është lojtari më i mirë në histori të Kosovës është legjendë, domethënë ende luan, por është legjendë”.

“Është golashënuesi më i mirë, pra ai e ka një gjysmë goli për ndeshje, një shifër e jashtëzakonshme”.

“Vedat Muriqi ka thënë gjithçka për këtë fanellë, e thashë është simbol i Kosovës”, ka thënë Pireva.

Episodin e plotë me gazetarët e Telegrafit mund ta ndiqni në kanalin zyrtar të Telegrafit në YouTube./Telegrafi/