Presidenti amerikan, Donald Trump, talli homologun francez, Emmanuel Macron, dhe gruan e tij, Brigitte Macron, gjatë një drekë private më 1 prill, ndërsa njëkohësisht kritikoi aleatët e NATO-s për mos-pjesëmarrje në luftën aktuale kundër Iranit, e cila ka destabilizuar Lindjen e Mesme.
“Nuk na duheshin, por i pyeta gjithsesi”, tha Trump gjatë drekës, sipas një videoje që ishte shpërndarë për pak kohë në kanalin zyrtar të Shtëpisë së Bardhë në YouTube para se qasja të bllokohej.
“Po telefonoj Francën, Macronin – gruaja e tij i sillet shumë keq. Ende po shërohet nga një goditje në nofull”, tha lideri amerikan, duke iu referuar një videoje nga maji i vitit 2025 që qarkulloi në internet dhe që pretendonte të tregonte Brigitte Macron duke shtyrë fytyrën e bashkëshortit të saj gjatë një udhëtimi në Vietnam. Macron më vonë e hodhi poshtë atë video si pjesë e një fushate dezinformimi.
Trump më pas përshkroi një bisedë të pretenduar me liderin francez.
“Dhe i thashë: ‘Emmanuel, do të donim pak ndihmë në Gjirin tonë, edhe pse po thyejmë rekorde në eliminimin e njerëzve të këqij dhe raketave balistike. Do të donim ndihmë. Nëse mundesh, mund të dërgosh menjëherë anijet?’”, tha Trump.
Ai pastaj imitoi theksin francez ndërsa përshkruante përgjigjen e supozuar të Macronit “‘Jo, jo, jo, nuk mundemi ta bëjmë këtë, Donald. Kjo mund të bëhet pasi të përfundojë lufta. I thashë: ‘Jo, jo, jo, nuk më duhet kjo pasi të përfundojë lufta, Emmanuel’”.
Trump përdori këto deklarata për të vënë në pikëpyetje besueshmërinë e NATO-s, duke thënë se “kështu mësova për NATO-n – NATO nuk do të jetë aty nëse ndonjëherë kemi atë gjënë e madhe, e dini çfarë dua të them me atë gjënë e madhe”. /Telegrafi/
