Presidenti ukrainas, Volodymyr Zelensky, ka deklaruar se sulmet vdekjeprurëse ruse në juglindje të Ukrainës kanë zbehur shpresat për përparim drejt paqes, të cilat ishin krijuar pas një armëpushimi të kufizuar humanitar javën e kaluar.
Sipas Shërbimit Shtetëror të Emergjencave të Ukrainës (DSNS), të paktën 24 persona, përfshirë dy punonjës të ekipeve të shpëtimit dhe katër policë, u vranë të hënën nga sulmet me bomba ajrore ruse në rajonin e Zaporizhzhias. Pesë persona të tjerë raportohet se mbetën të plagosur.
Guvernatori rajonal, Ivan Fedorov, tha se gjatë gjithë ditës forcat ruse kishin hedhur të paktën nëntë bomba KAB-3000 në vendbanimin Komyshuvakha.
“Të gjitha shërbimet emergjente po punojnë me kapacitet të plotë në vendngjarje, ndërsa punonjësit komunalë po pastrojnë rrënojat”, shkroi ai në Telegram.
Zelensky e cilësoi sulmin si “jashtëzakonisht të tmerrshëm”, duke thënë se objektiv ishte edhe një shkollë që përdorej për qëllime humanitare dhe ku disa persona po merrnin ndihma, transmeton Telegrafi.
Sipas presidentit ukrainas, pas goditjes së parë ajrore, Rusia kreu një sulm të dytë me nëntë bomba të tjera, duke shënjestruar pikërisht strehën ku njerëzit ishin futur për t’u mbrojtur.
Ukraina do të investojë deri në 1 miliard euro nga huaja e BE-së në projekte të përbashkëta të mbrojtjes
Pamjet e publikuara nga DSNS tregojnë një ndërtesë të shkatërruar pothuajse tërësisht, të kthyer në një grumbull rrënojash, si dhe një autobus që duket se është djegur.
Në reagimin e tij, Zelenskyy tha se sulmi kishte goditur edhe mundësinë për hapa të rinj drejt një marrëveshjeje paqeje. Ai iu referua operacionit humanitar në Oleshky, pas të cilit, sipas tij, ishte krijuar një moment kur zhvillimet e mëtejshme mund të tregonin se përparimi drejt paqes ishte i mundur.
Të shtunën, persona të evakuuar nga qyteti Oleshky, në rajonin e pushtuar të Khersonit, mbërritën në territorin e kontrolluar nga Ukraina, pasi udhëtuan përmes Bjellorusisë. Evakuimi u realizua gjatë një armëpushimi të rrallë humanitar mes Kievit dhe Moskës.
Megjithatë, Zelenskyy tha se sulmi në Zaporizhzhia dëshmonte se Rusia po dërgonte një sinjal krejtësisht të kundërt dhe se, në vend të përpjekjeve për paqe, po llogariste në më shumë viktima.
“Duhet të ketë një përgjigje ndaj kësaj – një përgjigje nga bota. Një përgjigje të fortë dhe të vendosur”, shtoi ai.
Ndërkohë, autoritetet në rajonin e Khersonit njoftuan se Rusia kishte rifilluar sulmet ndaj këtij rajoni të hënën, pas një goditjeje me dron në distriktin Korabelny. Nga sulmi raportohet se një grua 62-vjeçare dhe një burrë 73-vjeçar pësuan lëndime nga shpërthimi. /Telegrafi/
An utterly horrific Russian attack on the settlement of Komyshuvakha in the Zaporizhzhia region. Since this morning, the settlement has been hit several times by aerial bombs. The strikes targeted a school used for humanitarian purposes – people were receiving humanitarian aid there. After the first aerial bomb strike, there was a double-tap strike with nine more bombs, specifically targeting the shelter where people were taking cover. Tragically, 18 people have already been reported killed. My condolences to their families and loved ones. Five people have been injured. A rescue operation is underway at the site, and the search for people continues. It is extremely difficult. Military forces, first responders, and special services are involved.The Russians could not have been unaware that every week, local residents who had remained in Komyshuvakha received humanitarian aid at that very location. And this is further proof that Russia wants no de-escalation and no real justice. After the humanitarian operation in Oleshky, there was a moment when the next steps could have shown that progress toward peace was possible. With these killings, Russia is sending an entirely opposite signal: Russia is counting on more killings. There must be a response to this – a response from the world. A strong and tough response. A response to Russia. And support for Ukraine. We must protect lives. Thank you to everyone who is helping!
— Volodymyr Zelenskyy / Володимир Зеленський (@ZelenskyyUa) November 2, 2026