Spektakël “hapësinor”, pasagjerët në aeroplan regjistrojnë nisjen e Artemis II

Pasagjerët e një fluturimi komercial kapën një pamje të rrallë në ajër të lëshimit të Artemis II të NASA-s, duke e shndërruar udhëtimin e tyre rutinë në një përvojë të paharrueshme.

Momenti, i kapur nga lart Floridës, tani po bëhet viral në rrjete sociale.

Videoja e filmuar nga një pasagjer tregon momentin e saktë kur Artemis II u ngrit dhe transportoi katër astronautë në një udhëtim historik rreth Hënës.

▶ Lexo edhe këtë nga Bota

Përleshje masive dhe jo vetëm – pamje të tensioneve të shumta nga zgjedhjet lokale në disa pjesë të Serbisë Në dhjetë qytete dhe komuna serbe të dielën po zhvillohen zgjedhje lokale, ku do të votojnë për qeverisjen...

I kapur nga një vend pranë dritares gjatë fluturimit, pamjet tregojnë raketën teksa ngjitet lart dhe lë një gjurmë të ndritshme pas, duke kaluar nëpër re.

Nga kjo pamje, lëshimi duket edhe më i madh dhe më i fuqishëm se ai që shihet zakonisht nga toka.

Ndërsa raketa ngrihet lart, një grua në sfond reagon dëgjohet të thotë: “O Zot”.

Ndryshe, Artemis II u lansua nga Qendra Hapësinore Kennedy në Florida dhe shënon misionin e parë me ekuipazh drejt Hënës që nga misioni Apollo 17 në vitin 1972.

Misioni përdor raketën Space Launch System të NASA-s dhe anijen kozmike Orion.

Ekuipazhi përfshin Reid Wiseman, Victor Glover, Christina Koch dhe Jeremy Hansen.

Për rreth 10 ditë, ata do të udhëtojnë rreth Hënës dhe do të kthehen në Tokë. /Telegrafi/