Deputetja e Parlamentit Evropian me orientim ultra të majtë, Rima Hassan, u arrestua sot në Paris, duke tronditur skenën politike franceze dhe atë evropiane.
Arrestimi i saj vjen pas një mesazhi në rrjetet sociale, i cili autoritetet e konsideruan si një mbështetje të mundshme të aktiviteteve terroriste.
Mesazhi, sipas hetuesve, përmbante gjuhë që mund të nxisë dhunë dhe ka shkaktuar reagime të menjëhershme në media dhe opinion publik.
Megjithatë, pas një kontrolli të detajuar të policisë, u gjetën disa gramë droga sintetike në pronësi të politikanes, raporton reuters.
Kjo gjetje ka shtuar peshën e çështjes dhe ka shërbyer si një arsye shtesë për vazhdimin e ndalimit të saj, sipas raporteve të gazetës Le Parisien.
Autoritetet hetimore theksuan se droga e gjetur mund të përdoret për qëllime personale, por hetimi do të përcaktojë më tej rrethanat dhe natyrën e kësaj akuze.
Hassan dhe avokati i saj nuk iu përgjigjën menjëherë kërkesave për koment, duke lënë hapësirë për spekulime në mediat franceze dhe ndërkombëtare.
Hetimet e mëtejshme pritet të japin më shumë informacion rreth rrethanave të arrestimit dhe akuzave të mundshme të reja, ndërsa opinioni publik mbetet i vëmendshëm ndaj zhvillimeve të ardhshme. /Telegrafi/
