Pas përfundimit të ndeshjes të mbrëmshme, ku Përfaqësuesja e Bosnjës e Hercegovinës u përball me Italinë, portieri Gianluigi Donnarumma u përfshi në një incident me mbrojtësin e djathtë të Bosnjës, Amar Dedic.
Sipas pamjeve të kamerave, Donnarumma iu afrua Dedicit në mënyrë agresive, duke tentuar një konfrontim fizik.
Anëtarët e tjerë të ekipit italian dhe stafi i trajnerëve reaguan shpejt për ta qetësuar situatën, megjithatë portieri u përpoq të rikontaktonte Dedicin pas disa sekondash, duke krijuar tension edhe pas përfundimit të ndeshjes.
Në këtë moment, Dedic ishte në shoqërinë e mesfushorit Dzenis Burnic, i cili ndihmoi që situata të mos eskalonte më tej.
Ende nuk dihet se çfarë e shqetësoi Donnarumman dhe pse reagoi në këtë mënyrë ndaj mbrojtësit.
Gjatë gjithë ndeshjes, portieri italian duket se ka qenë i tensionuar, sidomos pas minutës së 80-të, kur Bosnja barazoi rezultatin, duke shkaktuar nervozizëm të dukshëm në radhët e ekipit italian.
Autoritetet dhe stafi i të dy ekipeve nuk kanë dhënë ende një koment zyrtar mbi incidentin, ndërsa tifozët dhe mediat sportive kanë nisur të diskutojnë gjerësisht sjelljen e Donnarummas pas ndeshjes.
Ky episod vjen në një moment delikat për ekipin italian, i cili kërkon qetësi dhe përqendrim për ndeshjet e ardhshme të kualifikimeve ndërkombëtare. /Telegrafi/
