Shefi i Pentagonit paralajmëron se “e marta do të jetë dita më intensive e sulmeve ndaj Iranit”

Sekretari i Mbrojtjes së SHBA-së, Pete Hegseth, tha të martën në mëngjes se "sot do të jetë, përsëri, dita jonë më intensive e sulmeve" kundër Iranit.

"Shumica e aeroplanëve luftarakë, numri më i madh i bombarduesve, numri më i madh i sulmeve. Inteligjenca më e rafinuar dhe më e mirë se kurrë. Pra, kjo është nga njëra anë", ka thënë Hegseth gjatë një konference për shtyp në Pentagon, përcjell Telegrafi.

▶ Lexo edhe këtë

Mbretëria e Bashkuar i lejon SHBA-së t’i shfrytëzojë bazat e saj ushtarake

"Nga ana tjetër, 24 orët e fundit kanë parë Iranin të qëllojë numrin më të ulët të raketave që ka qenë në gjendje të qëllojë deri më tani", ka shtuar ai.

Komanda Qendrore e SHBA-së (Centcom) ka bërë të ditur në përditësimin e saj të së hënës se ushtria amerikane ka goditur më shumë se 5,000 objektiva në Iran që nga fillimi i luftës, duke përfshirë fundosjen ose dëmtimin e më shumë se 50 anijeve iraniane.

'Një luftëtar pothuajse i padukshëm': Ky është aeroplani luftarak që thuhet se ka luajtur një rol kritik në sulmet ndaj Iranit