SHBA arreston vajzën dhe mbesën e komandantit të vrarë iranian

Agjentët federalë amerikanë kanë arrestuar mbesën dhe stërmbesën e komandantit të ndjerë ushtarak iranian Qassem Soleimani, pasi Sekretari i Shtetit Marco Rubio ua revokoi statusin e tyre të ligjshëm të rezidentit të përhershëm, ka njoftuar Departamenti i Shtetit.

“Hamideh Soleimani Afshar dhe vajza e saj tani janë nën kujdestarinë e Shërbimit të Imigracionit dhe Doganave të SHBA-së”, tha Departamenti i Shtetit në një deklaratë.

Soleimani u vra në një sulm ajror amerikan në Bagdad në janar 2020 gjatë mandatit të parë të presidentit Donald Trump.

▶ Lexo edhe këtë nga Bota

Sauditët gjetën një portë shpëtimi për një pjesë të naftës botërore, por rrezikohet që houthit mund ta mbyllin atë me forcë Bota, e etur për naftë, mori një lehtësim modest në fillim të këtij muaji kur Arabia Saudite filloi...

Departamenti i Shtetit tha se Afshar mbështeti qeverinë e Iranit dhe propagandën e tij.

Gjithashtu tha se burrit të Afsharit i ishte ndaluar hyrja në SHBA.

“Ndërsa jetonte në Shtetet e Bashkuara, (Afshar) promovoi propagandën e regjimit iranian, festoi sulmet kundër ushtarëve amerikanë dhe objekteve ushtarake në Lindjen e Mesme, vlerësoi Udhëheqësin e ri Suprem Iranian dhe shprehu mbështetjen e saj të palëkundur për Korpusin e Gardës Revolucionare Iraniane, një organizatë e përcaktuar si terroriste”, deklaroi Departamenti i Shtetit.

“Administrata Trump nuk do të lejojë që vendi ynë të bëhet shtëpi për shtetas të huaj që mbështesin regjimet terroriste antiamerikane”, tha Rubio në postimin e tij. /Telegrafi/