Publikohen pamjet pas goditjes nga raketa iraniane – brenda aeroportit në Azerbajxhan

Videoja që po qarkullon në rrjetet sociale tregon pamje nga një aeroporti në Azerbajxhan që është goditur nga një dron i dyshuar iranian. Incidenti ka rritur tensionet në rajon dhe ka shkaktuar reagime të forta nga autoritetet azerbajxhanase.

Sipas raportimeve, gjatë ditës së sotme disa dronë kanë sulmuar rajonin e Nakhçivanit. Ky rajon është një enklavë e Azerbajxhanit, e cila është e ndarë nga pjesa kryesore e territorit të vendit nga Armenia.

Për shkak të pozicionit gjeografik dhe rëndësisë strategjike, çdo incident në këtë zonë konsiderohet shumë i ndjeshëm për sigurinë rajonale.

Dronët kanë goditur aeroportin e Nakhçivanit, duke shkaktuar dëme dhe duke alarmuar autoritetet lokale. Përveç aeroportit, një nga dronët ka rënë edhe pranë një shkolle në vendbanimin Shakarabad, gjë që ka shtuar shqetësimin për sigurinë e civilëve në zonë.

▶ Lexo edhe këtë

Gjersa liderët botëror po takohen mes veti në Davos, Vuçiq “si influencerët” prezanton hotelin ku po qëndron

Deri tani, Irani nuk ka dhënë ndonjë shpjegim të qartë apo reagim zyrtar lidhur me incidentin. Nga ana tjetër, në Azerbajxhan reagimi ka qenë i drejtpërdrejtë: zyrtarët e kanë cilësuar ngjarjen si një sulm ndaj territorit të Republikës së Azerbajxhanit.

Situata mbetet e tensionuar, ndërsa pritet të shihet nëse do të ketë reagime të tjera diplomatike ose zhvillime të reja në lidhje me këtë incident. /Telegrafi/

EvropaNga BotaBotë