Pentagoni thotë se rreth 140 ushtarë amerikanë u plagosën në luftën me Iranin

Shtetet e Bashkuara kanë konfirmuar se rreth 140 ushtarakë të tyre janë plagosur që nga fillimi i luftës kundër Iranit më 28 shkurt.

Pentagoni tha në një deklaratë të martën se shumica e lëndimeve ishin të lehta, transmeton Telegrafi.

"Që nga fillimi i Operacionit Epic Fury, afërsisht 140 anëtarë të shërbimit amerikan janë plagosur gjatë 10 ditëve të sulmeve të vazhdueshme", tha zëdhënësi i Pentagonit, Sean Parnell.

"Shumica dërrmuese e këtyre lëndimeve kanë qenë të lehta dhe 108 anëtarë të shërbimit janë rikthyer tashmë në detyrë. Tetë anëtarë të shërbimit mbeten të listuar si të plagosur rëndë dhe po marrin nivelin më të lartë të kujdesit mjekësor", shtoi ai.

▶ Lexo edhe këtë

Trump: Kuba do të bjerë shumë shpejt

Deklarata erdhi pasi agjencia e lajmeve Reuters publikoi një raport duke cituar dy zyrtarë të paidentifikuar të kenë thënë se 150 anëtarë të shërbimit u plagosën në 10 ditët e para të luftës.

Ushtria amerikane ka konfirmuar shtatë viktima nga sulmet iraniane në të gjithë rajonin. Të hënën tha se një anëtar i tetë i shërbimit vdiq nga një "incident shëndetësor" në Kuvajt.