Onkologët e rinj mbeten pa punë, Shoqata kërkon masa urgjente nga institucionet

Shoqata e Onkologëve të Kosovës (SHOK) ka shprehur shqetësimin e saj të thellë lidhur me situatën e shërbimeve onkologjike në vend, duke theksuar se mungesa e specialistëve të rinj po ndikon drejtpërdrejt në trajtimin e pacientëve me sëmundje malinje.

Në një reagim publik, SHOK vlerëson se numri i pacientëve me kancer po rritet çdo vit, ndërsa disa specialistë të rinj të onkologjisë, të trajnuar për vite me radhë me investim të konsiderueshëm publik dhe personal, mbeten pa mundësi punësimi në institucionet publike.

▶ Lexo edhe këtë

SBASHK: Dalja në marsh është akt moral dhe qytetar

“Çdo specialist i papunësuar përfaqëson një mundësi të humbur për diagnostikim më të shpejtë, trajtim më të personalizuar dhe përmirësim të përgjithshëm të kujdesit për pacientët me sëmundje malinje në Kosovë”, thuhet në komunikatën e Shoqatës.

Onkologët e rinj mbeten jashtë QKUK-së, kërkojnë vend pune dhe integrim në sistem