“Nuk ka fjalë”, Messi me mesazh prekës pas vdekjes së Jesus de Miguelit

Lionel Messi ka reaguar me një mesazh prekës pas lajmit për vdekjen e futbollistit spanjoll Jesus de Miguel Alameda, i cili u nda nga jeta në moshën 30-vjeçare.

Futbolli është tronditur nga lajmi për ndarjen nga jeta të lojtarit të CD Tenerife, ndërsa mes atyre që kanë shprehur dhimbjen dhe ngushëllimet e tyre është edhe ylli argjentinas.

Lexo edhe nga Sport

Nëse s’të bindin pak para, të bindin shumë para: Sancho refuzon klubin e La Liga-s pas ofertës multimilionëshe nga arabët Jadon Sancho ka vendosur të mos transferohet te Getafe, pasi ka marrë një ofertë joshëse nga Arabia Saudite,...

Policia nis hetimin për vdekjen e sulmuesit spanjoll, mësohet sa mund të dënohet portieri i Andorrës

Përmes një postimi në rrjetet sociale, Messi ka shprehur solidaritetin me familjen dhe të afërmit e futbollistit, duke u uruar atyre forcë për ta përballuar këtë humbje të rëndë.

“Nuk ka fjalë… Ngushëllimet e mia më të sinqerta dhe shumë forcë për të gjithë familjen dhe miqtë e tij. U prehtë në paqe”, ka shkruar Messi.

De Miguel ndërroi jetë rreth orës 08:00 të mëngjesit, pasi gjendja e tij shëndetësore ishte përkeqësuar pas incidentit të rëndë gjatë ndeshjes kundër Andorrës.

Vdekja e tij në një moshë kaq të re ka shkaktuar pikëllim të madh në komunitetin e futbollit. /Telegrafi/