Montella bën vetëm një ndryshim, mësohet formacioni më i mundshëm i Turqisë ndaj Kosovës

Përzgjedhësi Vincenzo Montella duket se ka vendosur qysh të hënën se kush do të luajë ndaj Kombëtares së Kosovës.

Kosova do ta mirëpresë Turqinë në finalen e play-offit të Botërorit të martën nga ora 20:45, ku fituesi do të shkojë në kompeticionin më madhor për përfaqësuese.

▶ Lexo edhe këtë nga Sport

“Nuk ka fjalë që ta përshkruajmë këtë emocion”, Lumbardh Dellova pas triumfit ndaj Sllovakisë Qendërmbrojtësi Lumbardh Dellova është shprehur shumë i lumtur me fitoren ndaj Sllovakisë dhe kalimin në finale të playoff-it...

Siç raporton “Joueurs Turcs”, Montella ka vendosur t’i qëndrojë besnik formacionit që e vendosi me Rumaninë, përpos një ndryshim në krahun e djathtë të mbrojtjes – ku Zeki Çelik pritet t’ia zërë vendin Mert Muldur.

Mesfusha do të vazhdojë të jetë e ndërtuar nga emrat si Calhanoglu, që është kthyer nga lëndimi në kohë për sfidën me Kosovën, si dhe treshja Alper, Guler e Yildiz.

Formacioni i mundshëm i Turqisë: Cakir; Kadioglu, Abdulkerim, Akaydin, Çelik; Calhanoglu, Yuksek; Alper, Guler, Yildiz, Akturkoglu.

Ndërkohë, Kosova nuk pritet të bëjë ndonjë ndryshim dhe t’i qëndrojë po ashtu besnik formacionit të njëjtë që e përdori me Sllovakinë./Telegrafi/